Parlaimint na hEorpa: 70 bliain den daonlathas Eorpach faoi lán seoil

An 10 Meán Fómhair 1952, cuireadh tús leis an gcéad suí de Chomhthionól an Chomhphobail Eorpaigh do Ghual agus Cruach in Strasbourg. Ba é sin túsphointe Pharlaimint na hEorpa an lae inniu.

Rinneadh neartú ar an gComhthionól sin le 70 bliain anuas. Is fíorinstitiúid anois í a léiríonn daonlathas na hEorpa agus tuairimí phobal na hEorpa. Sa lá atá inniu ann, is í an t-aon pharlaimint thrasnáisiúnta ar domhan í atá ilteangach, ilpháirtí agus tofa go díreach. Tugann an taispeántas seo cur síos ar stair na hinstitiúide, ar ról shaoránaigh na hEorpa i stair na Parlaiminte agus ar ócáidí tábhachtacha a tharla inti le 70 bliain anuas.