Wirja
Insawru l-Ewropa
L-elezzjoni Ewropea tal-1979: Pass kruċjali għad-demokrazija
L-ewwel assemblea internazzjonali eletta direttament fid-dinja
Aktar minn 185 miljun votant fid-disa’ pajjiżi tal-Komunità Ewropea kienu msejħa biex jivvutaw fl-1979. Fl-10 ta’ Ġunju, il-Parlament Ewropew sar l-ewwel assemblea internazzjonali eletta direttament b’vot universali: dan kien mument storiku għad-demokrazija Ewropea.
Il-Parlament Ewropew il-ġdid kellu s-sessjoni kostitwenti tiegħu fil-Palais de l’Europe fi Strażburgu. Il-MPE għażlu lil Simone Veil bħala l-President tal-Parlament Ewropew. Veil kienet figura simbolika għal diversi raġunijiet: kienet ġiet salvata mill-kampijiet ta’ konċentrament matul it-Tieni Gwerra Dinjija, kienet attivista tad-drittijiet tan-nisa, impenjata għar-rikonċiljazzjoni bejn Franza u l-Ġermanja, u kienet iddedikata bis-sħiħ għall-proġett Ewropew.
