Taispeántas
An Eoraip a Mhúnlú
2019: An uair seo beidh mé ag vótáil
Cad a thug ar shaoránaigh vótáil in 2019?
Ba cheannródaí é an tAontas san obair ar Chomhaontú Pháras a glacadh ag COP21 chun astaíochtaí gás ceaptha teasa a laghdú ar fud an domhain agus, sa tslí sin, méadú contúirteach ar mheánteocht an domhain a sheachaint. Bhí ról ríthábhachtach ag Parlaimint na hEorpa sa chur chuige Eorpach i leith na caibidlíochta agus i nglacadh reachtaíocht an Aontais dá éis sin.
Ba phríomhghnéithe d’fhreagairt an Aontais ar ghéarchéim na ndídeanaithe in 2015 iad athchóiriú ar an gcóras tearmainn agus teorainneacha seachtracha an Aontais a neartú.
Tharla ionsaithe sceimhlitheoireachta comhordaithe i bPáras, sa Bhruiséil agus i gcathracha Eorpacha eile ar ghlac an Stát Ioslamach creidiúint astu. Mar fhreagra air sin, d’aontaigh na Ballstáit slándáil teorann a neartú, comhar a fheabhsú i measc seirbhísí faisnéise agus radacú a chosc.
In 2016, chinn vótálaithe na Ríochta Aontaithe an tAontas a fhágáil i reifreann ‘Brexit’ ina raibh dianchomhrac.
San Aontas, cuireadh deireadh le táillí fánaíochta, ionas go bhféadfadh tomhaltóirí a bhfóin phóca a úsáid agus iad ag taisteal thar lear san Aontas gan aon táillí breise anuas ar an méid a bheadh á íoc acu sa bhaile cheana féin.
In 2016, cruthaíodh an Cór Dlúthpháirtíochta Eorpach chun an iar-Sheirbhís Dheonach Eorpach a fheabhsú agus breis deiseanna a chur ar fáil d’aos óg na hEorpa chun páirt a ghlacadh i dtionscadail a théann chun tairbhe pobail thar lear nó ina dtír féin.