Taispeántas
Toghadh Robert Schuman mar an Chéad Uachtarán ar Thionól Parlaiminteach na hEorpa (TPE) an 19 Márta 1958; d’fhan sé sa phost sin go dtí mí an Mhárta 1960. In ainneoin na n-inniúlachtaí teoranta a bhí ag an Tionól sin, ba mhór ag Schuman é mar institiúid pholaitiúil par excellence: d’fheidhmigh sé, ag an am céanna, mar chomhlacht daonlathach lena ndearnadh ionadaíocht ar dhaoine, comhlacht a raibh cumhacht an ghrinnscrúdaithe feidhmiúcháin aige mar aon le gné aontach idir na Comhphobail Eorpacha.
An 10 Bealtaine 1960, chun comóradh 10 mbliana Dhearbhú Schuman a cheiliúradh, thug TOE ómós dá iar-Uachtarán agus glacadh rún d’aon gháir inar dearbhaíodh gur go mór ar son na hEorpa a ghníomhaigh Schuman.
