Taispeántas
Agus é lánchinnte d’fhóntacht thionscadal Monnet, chinn Schuman freagracht pholaitiúil a ghlacadh air féin as. Rinneadh an cás a láimhseáil leis an discréid is mó chun nach ndéanfaí an tionscadal a bhlocáil de bharr brú ón saol gnó, deighiltí idir páirtithe polaitiúla agus an rómhaorlathais. Chinn Schuman nach mbeadh Parlaimint na Fraince rannpháirteach sna hullmhúcháin taidhleoireachta toisc go raibh imní air go mbeadh díospóireacht phoiblí ann go róluath.
I ndiaidh do Sheansailéir na Gearmáine, Konrad Adenauer, tacú leis, bhí Schuman in ann rialtas na Fraince a chur ar an eolas ar deireadh. Ansin, bhí gach rud faoi réir chun a phlean a fhógairt don phobal.
